തീയറ്ററുകളി‍ൽ മധുരം വിളമ്പിയ തണ്ണീർമത്തൻ ദിനങ്ങൾ ടീം വീണ്ടും ഒന്നിക്കുന്നു. ചിത്രത്തിലെ സഹ എഴുത്തുക്കാരനും, ജെയ്സണിന്റെ ഏട്ടനായി വേഷമിടുകയും ചെയ്ത ഡിനോയ് പൗലോസാണ് ചിത്രം സംവിധാനം ചെയ്യുന്നത്. ഡിനോയ് തന്നെ രചന നിർവഹിക്കുന്ന ചിത്രത്തിൽ പ്രധാനകഥാപാത്രത്തേയും താരം അവതരിപ്പിക്കും. പ്ലാൻ ജെ സിനിമാസിന്റെ ബാനറൽ ജോമോൻ ടി ജോൺ, ഷമീർ മുഹമ്മദ് എന്നിവര്‍ ചേര്‍ന്നാണ് ചിത്രം നിർമ്മിക്കുന്നത്. ഛായാഗ്രഹണവും ജോമോൻ ടി ജോൺ തന്നെയാണ്. തണ്ണീർമത്തൻ മാജിക്കിനായുള്ള കാത്തിരിപ്പിലാണ് ഇപ്പോൾ സിനിമാ ലോകം.

പൊതുവേദികളിൽ നടൻ പൃഥ്വിരാജ് നടത്തുന്ന പ്രസംഗങ്ങൾക്ക് സോഷ്യൽ മീഡിയയിൽ വൻ സ്വീകാര്യതയാണ് ലഭിക്കാറുള്ളത്. അടുത്തിടെ ഒരു സ്‌കൂളിൽ പൃഥ്വിരാജ് നടത്തിയ ഒരു വീഡിയോയാണ് ഇപ്പോൾ സോഷ്യൽ മീഡിയയിൽ പ്രചരിക്കുന്നത്. ജീൻ പോൾ സംവിധാനം ചെയ്യുന്ന പുതിയ ചിത്രം ഡ്രൈവിംഗ് ലൈസൻസിന്റെ ചിത്രീകരണം നടന്ന സ്‌കൂളിലായിരുന്നു പൃഥ്വിയുടെ പ്രസംഗം. എഞ്ചിനീയറിംഗ് ബിരുദധാരി എന്നു പറഞ്ഞാണ് പൃഥ്വിരാജിനെ പ്രധാന അധ്യാപിക വേദിയിലേക്ക് ക്ഷണിച്ചത്. എന്നാൽ വേദിയിലെത്തിയ ഉടൻ നിങ്ങളുടെ ടീച്ചർ പറഞ്ഞത് ‘നുണയാണ്’ എന്നായിരുന്നു പൃഥ്വി പറഞ്ഞത്.

വ്യത്യസ്തമാർന്ന വേഷങ്ങളിലൂടെ പ്രേക്ഷകരുടെ മനം കവർന്ന താരമാണ് വിജയ് സേതുപതി. കഥാപാത്രങ്ങളിൽ പുതുമ തേടുന്ന താരം ഇനി എത്താൻ പോവുന്നത് വില്ലൻ വേഷത്തിലാണ്. ‘ഉപ്പെണ്ണ’ എന്ന തെലുങ്ക് ചിത്രത്തിലാണ് വില്ലനായി താരം വേഷമിടുന്നത്. നവാഗതനായ ബുച്ചി ബാബു സന യാണ് ചിത്രം സംവിധാനം ചെയ്യുന്നത്. ചിത്രത്തിൽ നായികയുടെ അച്ഛന്റെ വേഷത്തിലാണ് വിജയ് സേതുപതി എത്തുക. കൃതി ഷെട്ടി നായികയായി എത്തുന്ന ചിത്രത്തിന്റെ ഷൂട്ടിംഗ് ഹൈദരാബാദില്‍ തുടങ്ങി.

പരിനീതി ചോപ്ര നായികയാകുന്ന പുതിയ സിനിമയാണ് ദ ഗേള്‍ ഓണ്‍ ദ ട്രെയിൻ. ചിത്രത്തിന്റെ ഫസ്റ്റ് ലുക്ക് പുറത്തുവിട്ടു. ജീവിതത്തില്‍ ഇതുപോലത്തെ കഥാപാത്രമായി ഇതുവരെ അഭിനയിച്ചിട്ടില്ലന്നും ബുദ്ധിമുട്ടുള്ള ഒരു കഥാപാത്രമാണ് ഇതെന്നും പരിനീതി ചോപ്ര പറയുന്നു. അമേരിക്കൻ സിനിമയായ ദ ഗേള്‍ ഓണ്‍ ട്രെയിൻ എന്ന സിനിമയാണ് അതേപേരില്‍ ഹിന്ദിയിലേക്ക് എത്തിക്കുന്നത്. റിബ്ബുദാസ് ഗുപ്‍തയാണ് ചിത്രം സംവിധാനം ചെയ്യുന്നത്.

മലയാളത്തിന്റെ പ്രിയ നായികയായിരുന്നു നവ്യ നായര്‍. വിവാഹത്തിന് ശേഷം സിനിമയില്‍ സജീവമല്ലെങ്കിലും സമൂഹമാധ്യമങ്ങളിലൂടെ എപ്പോഴും നവ്യ വിശേഷങ്ങള്‍ ആരാധകരുമായി പങ്കു വെക്കാറുണ്ട് .

ഫിറ്റ്‌നസ് ഫ്രീക്കായി സോഷ്യല്‍ മീഡിയയില്‍ തരംഗം സൃഷ്ടിച്ച നവ്യ ഇപ്പോഴിതാ വര്‍ക്കൗട്ട് വിഡിയോയുമായി എത്തിയിരിക്കുന്നു. നവ്യ ഇപ്പോഴും നൃത്ത വേദികളില്‍ തിളങ്ങി നില്‍ക്കുന്ന താരം ആണ് അതിനു വേണ്ടി തന്റെ ശരീര സൗന്ദര്യം ഇപ്പോഴും ചെറുപ്പം പോലെ കത്ത് സൂക്ഷിക്കുന്നത് നൃത്തവും അതിനൊപ്പം കൃത്യമായ വ്യായാമം കൊണ്ടുമാണ്.

എന്നാല്‍ ഇപ്പോള്‍ ജിമ്മില്‍ ക്രോസ്ഫിറ്റ് എക്‌സര്‍സൈസ് ചെയ്യുന്ന നവ്യയുടെ വിഡിയോ ആണ് ഇപ്പോള്‍ വൈറല്‍ ആകുന്നത്.

ഹോളിവുഡ് നടനും റെസ്‍ലിങ് സൂപ്പർ താരവുമായ ഡ്വെയ്ൻ ജോൺസൺ വിവാഹിതനായി. 13 വർമായി പ്രണയിക്കുകയും തന്റെ രണ്ട് പെൺമക്കളുടെ അമ്മയുമായ ലോറെയ്ൻ ഹാഷിനെയാണ് റോക്ക് വിവാഹം ചെയ്തത്. ഹവായ് ദ്വീപിൽ വച്ചായിരുന്നു മിന്നുകെട്ട്. റോക്ക് തന്നെയാണ് ഇക്കാര്യം സോഷ്യൽ മീഡിയ വഴി പങ്കുവെച്ചത്. വിവാഹ ഫോട്ടോകളും റോക്ക് പങ്കുവച്ചിട്ടുണ്ട്. 2006മുതൽ പ്രണയത്തിലായിരുന്ന ഇവർക്ക് രണ്ട് കുട്ടികളുണ്ട്. 2007-ലാണ് റോക്ക് ആദ്യ ഭാര്യയിൽ നിന്ന് വിവാഹമോചനം നേടിയിരുന്നത്. ഡാനി ഗ്രേസിയ ആയിരുന്നു ആദ്യ ഭാര്യ.

മികച്ച നടനുള്ള ദേശീയ അവാര്‍ഡിന്റെ തിളക്കത്തിലാണ് വിക്കി കൌശല്‍. വിക്കി കൌശല്‍ നായകനായി ഉടൻ പ്രദര്‍ശനത്തിന് എത്തുന്ന ചിത്രം സര്‍ദ്ദാര്‍ ഉദ്ധം സിംഗ് ആണ്. സ്വാതന്ത്രസമര സേനാനിയായ ഉദ്ധം സിംഗിന്റെ ജീവിതകഥയാണ് ചിത്രം പറയുന്നത്.

ഉദ്ധം സിംഗിന്റെ ജീവിതം പ്രമേയമാകുന്ന സിനിമയില്‍ അഭിനയിക്കാനാകുന്നത് ബഹുമതിയാണെന്ന് വിക്കി കൌശല്‍ പറഞ്ഞിരുന്നു. 1919ലെ ക്രൂരമായ ജാലിയൻവാലാബാഗ് കൂട്ടക്കൊലയെ ന്യായീകരിച്ച മൈക്കിൾ ഓ’ഡ്വിയറിനെ വെടിവെച്ചുകൊന്നയാളാണ് ഉദ്ധം സിംഗ്. ചിത്രത്തിലെ വിക്കി കൌശലിന്റെ ലുക്ക് നേരത്തെ പുറത്തുവിട്ടത് വൈറലായിരുന്നു. ഷൂജിത് സിര്‍കാര്‍ ആണ് ചിത്രം സംവിധാനം ചെയ്യുന്നത്.

ഇന്ദിരാഗാന്ധിയായി വേഷമിടാന്‍ ഒരുങ്ങി വിദ്യാബാലന്‍. വിദ്യാ ബാലന്‍ നായികയായി എത്തുന്ന വെബ് സീരിസിലാണ് ഇന്ദിരാ ഗാന്ധിയായി അഭിനയിക്കുന്നത്. റിതേഷ് ബത്രയാണ് ചിത്രത്തിന്റെ സംവിധാനം. സാഗരിക ഘോസെ രചിച്ച ‘ഇന്ദിര: ഇന്ത്യാസ് മോസ്റ്റ് പവര്‍ഫുള്‍ പ്രൈം മിനിസ്റ്റര്‍’ എന്ന പുസ്തകത്തെ ആസ്പദമാക്കിയാണ് വെബ് സീരിസ് ഒരുക്കുന്നത്.

പുസ്തകം സിനിമയാക്കാനുള്ള അവകാശം വിദ്യാ ബാലന്‍ നേരത്തെ സ്വന്തമാക്കിയിരുന്നു. ‘ആദ്യമായി ഒരു വെബ് സീരിസ് ചെയ്യുകയാണ്. നിരവധി തയ്യാറെടുപ്പുകള്‍ നടത്തേണ്ട ഒന്നാണ്. ഇനി അധികം കാലം ആവശ്യമില്ലെന്നു വിചാരിക്കുന്നു’ വെബ് സീരിസിനെ കുറിച്ച് വിദ്യാ ബാലന്‍ പറഞ്ഞു.