സൗദിയിൽ 98 പേർക്ക് കൊവിഡ്

റിയാദ്: സൗദിയിൽ 24 മണിക്കൂറിനിടെ പുതുതായി 98 പേർക്ക് കൊവിഡ് സ്ഥിരീകരിച്ചു. കൊവിഡ് ബാധിച്ചു രണ്ട് മരണം കൂടി റിപ്പോർട്ട് ചെയ്തു. നിലവിലെ രോഗികളിൽ 128 പേർ സുഖം പ്രാപിച്ചു. രാജ്യത്ത് ഇതുവരെ റിപ്പോർട്ട് ചെയ്യപ്പെട്ട ആകെ കൊവിഡ് കേസുകളുടെ എണ്ണം 7,49,471 ഉം രോഗമുക്തരുടെ എണ്ണം 7,31,959 ഉം ആയി.

രാജ്യത്തെ ആകെ മരണം 9,027 ആയി. നിലവിൽ 8,485 പേർ രോഗം ബാധിച്ച് ചികിത്സയിലുണ്ട്. ഇവരിൽ 212 പേർ ഗുരുതരാവസ്ഥയിലാണ്. ഇവർ രാജ്യത്തെ വിവിധ ആശുപത്രി തീവ്രപരിചരണ വിഭാഗത്തിൽ ചികിത്സയിൽ തുടരുന്നു. സൗദിയിൽ നിലവിലെ കൊവിഡ് മുക്തി നിരക്ക് 97.66 ശതമാനവും മരണനിരക്ക് 1.20 ശതമാനവുമാണ്.