മസ്കത്ത്​ വിമാനത്താവളത്തിൽ തൃശുർ സ്വദേശി കുഴഞ്ഞ്​ വീണ്​ മരിച്ചു

മസ്​കത്ത്​: മസ്കത്ത്​ വിമാനത്താവളത്തിൽ തൃശുർ സ്വദേശി കുഴഞ്ഞ്​ വീണ്​ മരിച്ചു. നാട്ടിൽ പോകാനായി മസ്കത്ത്​ വിമാനത്താളത്തിൽ എത്തിയ തൃശുർ വലപ്പാട്​ സ്വദേശി പുതിയ വീട്ടിൽ ഹുസൈൻ (55) ആണ് കഴിഞ്ഞ ദിവസം​ മരിച്ചത്​.

കൊച്ചിയിലേക്കുള്ള വിമാനത്തിൽ പോകാനെത്തിയ ഇദ്ദേഹത്തിന്​ നെഞ്ചുവേദന അനുഭവപ്പെടുകയായിരുന്നു.  ഹെയിലിലായിരുന്നു താമസം. എ.സി മെക്കാനിക്കായി ജോലി ചെയ്തു വരികയായിരുന്നു.

പിതാവ്:​ പരേതനായ കുഞ്ഞിമോൻ അബ്​ദുൽ ഖാദർ. മാതാവ്​: ഫാത്തിമ. ഭാര്യ: സൈത ഭാനു. മക്കൾ: ഗസല, ആദിൽ.