മഹാരാഷ്ട്രയിൽ കെമിക്കൽ ഫാക്ടറിയിൽ സ്​ഫോടനത്തിൽ  മൂന്ന് മരണം

മഹാരാഷ്ട്രയിൽ കെമിക്കൽ ഫാട്റിയിലുണ്ടായ സ്ഫോടനത്തിൽ മൂന്നുപേർ മരിച്ചു. 12 പേർക്ക് പരിക്കേറ്റു. പാൽഘട് ജില്ലയിൽ ബോയ്സർ മേഖലയിലുള്ള താരാപുർ മഹാരാഷ്ട്ര ഇൻഡസ്ട്രിയൽഡെവലപ്പ്മെന്റ് കോർപ്പറേഷന്റെ കെമിക്കൽ ഫാക്ടറിയിലാണ് ​സ്ഫോടനമുണ്ടായത്. ബുധനാഴ്ച വൈകീട്ട് 4.30 ഓടെയായിരുന്നു സംഭവം.

​തുണി വ്യവസായത്തിനു വേണ്ട ഗമ്മ ആസിഡ് നിർമിക്കുന്ന യൂനിറ്റിലാണ് സ്​ഫോടനം നടന്നത്. ആസിഡ് ഉണ്ടാക്കുന്നതിനായി കെമിക്കൽ ഫാക്ടറിയിലെ റിയാക്ടർ വെസലിൽ വെച്ച് സോഡിയം സൾഫേറ്റും അമോണിയയും തമ്മിൽ യോജിപ്പിക്കുന്നതിനിടെയാണ് അപകടം.