തദ്ദേശ തെരഞ്ഞെടുപ്പ്: കന്യാകുമാരി ജില്ലയിൽ ഡി.എം.കെ സഖ്യത്തിന് മുന്നേറ്റം

നാ​ഗ​ർ​കോ​വി​ൽ: ക​ന്യാ​കു​മാ​രി ജി​ല്ല​യി​ൽ കോ​ർ​പ​റേ​ഷ​ൻ, ന​ഗ​ര​സ​ഭ​ക​ൾ, ടൗ​ൺ പ​ഞ്ചാ​യ​ത്തു​ക​ൾ എ​ന്നി​വ​യി​ലേ​യ്ക്ക് ന​ട​ന്ന തെ​ര​ഞ്ഞെ​ടു​പ്പി​ൽ ചൊ​വ്വാ​ഴ്ച വോ​ട്ടെ​ണ്ണ​ൽ ന​ട​ന്ന​പ്പോ​ൾ ഡി.​എം.​കെ സം​ഖ്യ​ത്തി​ന് വ​ൻ മു​ന്നേ​റ്റം. സംസ്ഥാനത്തിന്റെ വടക്കന്‍ മേഖലയില്‍ എഐഡിഎംകെ കോട്ടകളില്‍ വിള്ളലുണ്ടാക്കിയതാണ് പ്രധാന നേട്ടം. തലസ്ഥാനമായ ചെന്നൈ മഹാനഗരമുള്‍പ്പെടെയുള്ള 21 കോര്‍പ്പറേഷനുകളിലും 138 മുന്‍സിപ്പാലിറ്റികളിലും 489 നഗര പഞ്ചായത്തുകളിലുമാണ് തിരഞ്ഞെടുപ്പ് നടന്നത്. ഭൂരിഭാഗം തദ്ദേശസ്ഥാപനങ്ങളിലും ഡിഎംകെ ബഹുദൂരം മുന്നിലാണ്.

നാ​ഗ​ർ​കോ​വി​ൽ കോ​ർ​പ​റേ​ഷ​നി​ൽ ആ​കെ​യു​ള്ള 52 വാ​ർ​ഡു​ക​ളി​ൽ 32 എ​ണ്ണം ഡി.​എം.​കെ സ​ഖ്യ​ത്തി​നാ​ണ്. (ഡി.​എം.​കെ 24, കോ​ൺ​ഗ്ര​സ്​ ഏ​ഴ്, എം.​ഡി.​എം.​കെ ഒ​ന്ന്). മ​റ്റ് ക​ക്ഷി​ക​ൾ: ബി.​ജെ.​പി 11, എ.​ഐ.​എ.​ഡി.​എം.​കെ ഏ​ഴ്, സ്വ​ത​ന്ത്ര​ർ ര​ണ്ട്. കൊ​ല്ല​ങ്കോ​ട്, കു​ഴി​ത്തു​റ എ​ന്നി​വി​ട​ങ്ങ​ളി​ൽ ഡി.​എം.​കെ സ​ഖ്യം അ​നാ​യാ​സം ഭ​ര​ണ​ത്തി​ലെ​ത്തി​യ​പ്പോ​ൾ പ​ത്മ​നാ​ഭ​പു​രം ന​ഗ​ര​സ​ഭ ഭ​ര​ണം ഡി.​എം.​കെ പ​ക്ഷ​ത്തോ ബി.​ജെ.​പി പ​ക്ഷ​ത്തോ എ​ന്ന് തീ​രു​മാ​നി​ക്കു​ന്ന​ത് സ്വ​ത​ന്ത്ര​രാ​ണ്. ഇ​വി​ടെ ആ​കെ​യു​ള്ള 21 വാ​ർ​ഡു​ക​ളി​ൽ ഏ​ഴ് വീ​തം ഡി.​എം.​കെ​യും ബി.​ജെ.​പി​യും നേ​ടി. ആ​റി​ട​ത്ത്​ സ്വ​ത​ന്ത്ര​രും ഒ​ന്നി​ൽ ജ​ന​താ​ദ​ളും (സെ​ക്കു​ല​ർ) ആ​ണ് വി​ജ​യി​ച്ച​ത്.

200 അംഗങ്ങളുള്ള ചെന്നൈ നഗരസഭയില്‍ 153 സീറ്റുകളാണ് ഡിഎംകെ നേടിയത്. എഐഡിഎംകെയ്ക്ക് 15 സീറ്റ് മാത്രമാണ് ലഭിച്ചത്. കോണ്‍ഗ്രസ് 13 സീറ്റ് നേടിയപ്പോള്‍ സിപിഎം, വിസികെ എന്നിവര്‍ക്ക് നാല് സീറ്റ് വീതവും എംഡിഎംകെ രണ്ട്, സിപിഐ, മുസ്ലീം ലീഗ്,എഎംഎംകെ ബിജെപി എന്നിവര്‍ക്ക് ഒന്ന് വീതവും സ്വതന്ത്ര സ്ഥാനാര്‍ഥികള്‍ക്ക് അഞ്ച് സീറ്റും ലഭിച്ചു. കോയമ്പത്തൂര്‍ മേഖലയില്‍ നിയമസഭ തിരഞ്ഞെടുപ്പില്‍ നേട്ടമുണ്ടാക്കിയത് അണ്ണാ ഡിഎംകെ ആയിരുന്നു. ഇവിടെയുള്‍പ്പെടെ ഡിഎംകെ തരംഗം ആഞ്ഞടിച്ചു.