മുംബൈയില്‍ പത്താം ക്ലാസുകാരി ജീവനൊടുക്കി

മുംബൈ: മുംബൈയില്‍ പത്താം ക്ലാസുകാരി ജീവനൊടുക്കി. പഠനത്തില്‍ കൂടുതല്‍ ശ്രദ്ധ കേന്ദ്രീകരിക്കാന്‍ മാതാപിതാക്കള്‍ ശകാരിച്ചതിനെ തുടര്‍ന്നാണ് ആത്മഹത്യ.

ശനിയാഴ്ചയാണ് സംഭവം നടന്നതെന്ന് പൊലീസ് പറഞ്ഞു. 15വയസുകാരി റിയ താക്കൂറാണ് മരിച്ചത്. എന്‍.എം ജോഷി മാര്‍ഗിലുള്ള എം.എച്ച്‌.എ.ഡി.എ കോളനിയിലെ കെട്ടിടത്തിന്റെ ടെറസില്‍ തൂങ്ങിമരിച്ച നിലയിലാണ് കുട്ടിയെ കണ്ടെത്തിയത്.

വിദ്യാര്‍ഥിനിയുടെ മാതാപിതാക്കള്‍ വിവരമറിയിച്ചതിനെ തുടര്‍ന്ന് പൊലീസ് സ്ഥലത്തെത്തി. മൃതദേഹം പിന്നീട് പോസ്റ്റ്‌മോര്‍ട്ടത്തിന് അയച്ചു. അസ്വാഭാവിക മരണത്തിന് കേസ് രജിസ്റ്റര്‍ ചെയ്തതായി പൊലീസ് ഉദ്യോഗസ്ഥര്‍ അറിയിച്ചു.