ആറ്റിങ്ങലിൽ യുവാവ് കുത്തേറ്റ് മരിച്ചു.

തിരുവനന്തപുരം ആറ്റിങ്ങലിൽ യുവാവ് കുത്തേറ്റ് മരിച്ചു. ചെമ്പകമംഗലം കുറക്കട സ്വദേശി വിഷ്ണു (30)വാണ് മരിച്ചത്. കൊലപാതകത്തിന് കാരണം മുൻ വൈരാഗ്യമെന്നാണ് പൊലീസിന്റെ പ്രാഥമിക നിഗമനം. സംഭവത്തെ തുടർന്ന് വിഷ്ണുവിന്റെ സുഹൃത്ത് കാരിക്കുഴി സ്വദേശി വിമലിനെ (38) പൊലീസ് അറസ്റ്റ് ചെയ്തു.

വെള്ളിയാഴ്ച രാത്രി പത്തരയോടെ ഇവർ തമ്മിൽ വാക്ക് തർക്കമുണ്ടാവുകയും പിന്നീട് കൊലപാതകത്തിൽ കലാശിക്കുകയായിരുന്നു. രാത്രി ഒൻപതരയോടെ വിമലും മറ്റൊരു സുഹൃത്തും കൂടി വിഷ്ണുവിനെ വീട്ടിൽ നിന്നും വിളിച്ചിറക്കി കൊണ്ടുപോകുകയും സമീപത്തുള്ള നഴ്സിംഗ് ഹോസ്റ്റലിനടുത്ത് കുത്തി പരിക്കേൽപ്പിക്കുകയുമായിരുന്നു. മരിച്ച വിഷ്ണുവിന് മാതാപിതാക്കൾ ഇല്ല. സഹോദരിയ്‌ക്കൊപ്പമാണ് താമസിച്ചിരുന്നത്.