കള്ളപ്പണക്കേസിൽ  അന്തര്‍ സംസ്ഥാന ബന്ധങ്ങളെന്ന് പൊലീസ് ഇ.ഡിക്ക് റിപ്പോര്‍ട്ട് നൽകി

കൊടകര കള്ളപ്പണക്കേസിൽ അന്തര്‍ സംസ്ഥാന ബന്ധങ്ങളുണ്ടെന്ന് എന്‍ഫോഴ്‌സ്‌മെന്റ് ഡയറക്ടറേറ്റിന് നല്‍കിയ റിപ്പോര്‍ട്ടില്‍ പൊലീസ് വ്യക്തമാക്കി. കവര്‍ച്ച ചെയ്യപ്പെട്ടത് 25 ലക്ഷമെന്നായിരുന്നു പരാതിയെങ്കിലും എഫ്‌ഐആറില്‍ രേഖപ്പെടുത്തിയതിനേക്കാള്‍ തുക ഇതുവരെ കണ്ടെടുത്തിട്ടുണ്ടെന്ന് റിപ്പോർട്ടിൽ പറയുന്നു.

മൂന്നരക്കോടി രൂപ കാറില്‍ ഉണ്ടായിരുന്നതായി പൊലീസ് കണ്ടെത്തിയിട്ടുണ്ട്. ഇതിനിടെ കവര്‍ച്ച തുകയിലെ നാല് ലക്ഷം രൂപ കൂടി പ്രതികള്‍ ഹാജരാക്കി. ബഷീറും രഞ്ജിത്തുമാണ് പണം ഹാജരാക്കിയത്. അതേസമയം രാഷ്ട്രീയ ബന്ധങ്ങള്‍ എന്‍ഫോഴ്‌സ്‌മെന്റ് ഡയറക്ടറേറ്റിന് നല്‍കിയ റിപ്പോര്‍ട്ടില്‍ പൊലീസ് വിശദീകരിച്ചിട്ടില്ലെന്നാണ് സൂചന.