സ്‌ഫോടക വസ്തു കണ്ടെത്തിയ സംഭവത്തില്‍ എന്‍ഐഎ അന്വേഷണം ഏറ്റെടുക്കും

കൊല്ലം പത്തനാപുരത്ത് സ്‌ഫോടക വസ്തുക്കൾ കണ്ടെത്തിയ സംഭവത്തില്‍ കേസന്വേഷണം എന്‍ഐഎ ഏറ്റെടുക്കുമെന്ന് റിപ്പോർട്ട്. കേസില്‍ യുഎപിഎ വകുപ്പുകളും ചുമത്തിയാണ് അന്വേഷണം. ഭീകര സംഘടനാ ബന്ധവും അന്വേഷണ പരിധിയിലുണ്ട്.

സ്‌ഫോടന വസ്തുക്കള്‍ കണ്ടെത്തിയ സ്ഥലത്ത് ആയുധ പരിശീലനം നടന്നതായി അന്വേഷണ സംഘം പ്രാഥമികമായി കണ്ടെത്തി. പത്തനാപുരത്ത് പാടശേഖരത്തിനടുത്താണ് ജലാറ്റിന്‍ സ്റ്റിക്, ഡിറ്റനേറ്റര്‍, ബാറ്ററി, വയറുകള്‍ എന്നിവ കണ്ടെത്തിയത്. സംഭവത്തില്‍ അന്വേഷണം കര്‍ണാടക, തമിഴ്‌നാട് എന്നീ സംസ്ഥാനങ്ങളിലേക്ക് കൂടി വ്യാപിപ്പിക്കാനും തീരുമാനമായി.