മാവേലിക്കരയിൽ ഡോക്ടറെ മർദിച്ച സംഭവം ക്രൈംബ്രാഞ്ച് അന്വേഷിക്കും

മാവേലിക്കര ജില്ലാ ആശുപത്രിയില്‍ ജോലിക്കിടെ ഡോക്ടറെ മര്‍ദിച്ച സംഭവം ക്രൈംബ്രാഞ്ച് അന്വേഷിക്കും. സിവിൽ പൊലീസ് ഓഫീസറായ അഭിലാഷാണ് ഡോക്ടർ രാഹുൽ മാത്യുവിനെ മർദിച്ചത്. കഴിഞ്ഞ മാസം 14ന് നടന്ന സംഭവത്തിൽ സിപിഒ അഭിലാഷ് ഇപ്പോഴും ഒളിവിലാണ്.

ചെങ്ങന്നൂർ ഡിവൈഎസ്പി , മാവേലിക്കര എസ്എച്ച്ഒ എന്നിവർ കേസന്വേഷിക്കുന്ന ക്രൈംബ്രാഞ്ച് സംഘത്തിൽ ഉണ്ടാകും. അതേസമയം സിവില്‍ പൊലീസ് ഉദ്യോഗസ്ഥനെ അറസ്റ്റ് ചെയ്യാത്തതില്‍ കേരള ഗവണ്‍മെന്റ് മെഡിക്കല്‍ ഓഫീസേഴ്‌സ് അസോസിയേഷന്റെ നേതൃത്വത്തിൽ ഇന്ന് പ്രതിഷേധിക്കും. സര്‍ക്കാര്‍ ആശുപത്രികളിലെ ഡോക്ടേഴ്‌സ് ഇന്ന് ഒപി ബഹിഷ്‌കരിക്കും.