പെൺകുട്ടിയെ ആക്രമിക്കുന്നത്​ തടയാൻ ശ്രമിച്ച ബോക്​സറെ കുത്തിക്കൊന്നു

ഹരിയാനയിൽ 12 വയസുകാരിയെ ആക്രമിക്കാൻ ശ്രമിച്ച യുവാവിനെ തടയാൻ ശ്രമിച്ചതിന്​ ബോക്സറെ കുത്തിക്കൊന്നു. റോത്തക്കിലെ റസിഡൻഷ്യൽ കോളനിയിൽ വെച്ച് ബോക്സറായ കാമേഷിനെ തിങ്കളാഴ്ച രാത്രി കുത്തികൊലപ്പെടുത്തുകയായിരുന്നു. പ്രതിയായ യുവാവ് പെൺകുട്ടിയെ ഉപദ്രവിക്കുന്നത് ശ്രദ്ധയിൽ പെടുകയും കാമേഷ് യുവാവിനെ താക്കീത് ചെയ്യുകയും ചെയ്തു.

തൊട്ടുപിന്നാലെ പ്രതി കത്തിയെടുത്ത് കുത്തുകയായിരുന്നു. സംഭവത്തിന്റെ ദൃശ്യങ്ങൾ സമീപത്തെ സിസിടിവി ക്യാമറയിൽ പതിഞ്ഞിട്ടുണ്ട്.മരിച്ച കാമേഷ്​ മുമ്പ്​ മോഡലിങ്ങ്​, അഭിനയ രംഗത്തുമുണ്ടായിരുന്നു. തേജ്​ കോളനിയിൽ ബന്ധുവിനെ സന്ദർശിക്കാൻ പോകുകയായിരുന്നു കാമേഷ്​. പൊലീസ്​ കേസ്​ രജിസ്റ്റർ ചെയ്​ത്​ അന്വേഷണം ആരംഭിച്ചു.