ബ്യൂട്ടി പാർലർ വെടിവയ്പ്പ് കേസിൽ രവി പൂജാരിയെ റിമാൻഡിൽ വിട്ടു

ബ്യൂട്ടി പാർലർ വെടിവയ്പ്പ് കേസിൽ അധോലോക കുറ്റവാളി രവി പൂജാരിയെ റിമാൻഡിൽ വിട്ടു. ഈ മാസം 22-ആം തിയതി വരെയാണ് റിമാൻഡ്. ചോദ്യം ചെയ്യലുമായി രവി പൂജാരി പൂർണമായും സഹകരിച്ചെന്ന് അന്വേഷണസംഘം അറിയിച്ചു. കേസുമായി ബന്ധപ്പെട്ട് നടി ലീന മരിയ പോളിന്റെ മൊഴിയും പൊലീസ് രേഖപ്പെടുത്തിയിട്ടുണ്ട്.

കടവന്ത്രയിലെ ബ്യൂട്ടി പാർലറിന് നേരെ വെടിവെപ്പ് നടത്തുന്നതിന് മുൻപ് മൂന്ന് വട്ടം ഫോൺ വിളിച്ച് ഭീഷണിപ്പെടുത്തിയത് രവി പൂജാരി തന്നെയെന്ന് നടി ലീന മരിയ പോൾ സ്ഥിരീകരിച്ചു. കേസിൽ കൂടുതൽ പേർ പിടിയിലാവാനുണ്ടെന്ന് അന്വേഷണസംഘം കോടതിയിൽ അറിയിച്ചു. നടിയുടെ സാമ്പത്തിക ശ്രോതസുകളുടെ വിവരം രവി പൂജാരിയ്ക്ക് എങ്ങനെ ലഭിച്ചു എന്നതിൽ വ്യക്തത വരുത്തുന്നതിനായി എടിഎസ് വീണ്ടും ലീനയുടെ മൊഴിയെടുത്തിരുന്നു.