ലോക്ജനശക്തി എം പിക്കെതിരെ ബലാത്സംഗകേസ്

ലോക്ജനശക്തി എം പിയും പാര്‍ട്ടി അധ്യക്ഷന്‍ ചിരാഗ് പസ്വാന്റെ ബന്ധുവുമായ പ്രിന്‍സ് രാജിനെതിരെ ബലാത്സംഗകേസ്. പ്രിന്‍സ് രാജ് കുടിക്കാന്‍ നല്കിയ പാനീയം വഴി തന്നെ മയക്കി ബലാത്സംഗം ചെയ്തുവെന്നാണ് യുവതി ഡല്‍ഹി കണോട്ട് പ്ലേയ്‌സ് പോലീസ് സ്‌റ്റേഷനിൽ പരാതി നല്കിയിരിക്കുന്നത്. എന്നാല്‍ സംഭവത്തിൽ ഇതുവരെ കേസ് രജിസ്റ്റര്‍ ചെയ്തിട്ടില്ല.

പ്രിന്‍സ് രാജിനെതിരെ ലൈംഗികാതിക്രമത്തിന് പരാതിയുണ്ടെന്ന് ചിരാഗ് പസ്വാന്‍ അറിയിച്ചതിന് തൊട്ടുപിന്നാലെയാണ് യുവതി പരാതിയുമായി മുന്നോട്ടുവന്നത്. അതിനിടെ ഇതുസംബന്ധിച്ച് താന്‍ പശുപതികുമാര്‍ പരാസിനെഴുതിയ കത്ത് ചിരാഗ് പസ്വാന്‍ പുറത്തുവിട്ടു. ഒരു വനിതാ പാര്‍ട്ടിപ്രവര്‍ത്തക പ്രിന്‍സ് രാജിനെതിരെ ലൈംഗികാതിക്രമത്തിന് പരാതി നല്കിയതായി കത്തില്‍ ചിരാഗ് വ്യക്തമാക്കുന്നുണ്ട്.