​തേങ്കുറുശ്ശിയിൽ ദുരഭിമാനക്കൊല; പ്രതികൾ പിടിയിൽ 

പാലക്കാട് ​തേങ്കുറുശ്ശിയിൽ യുവാവ്​ വെട്ടേറ്റു മരിച്ച സംഭവത്തിൽ പ്രതികൾ പൊലീസ് കസ്റ്റഡിയിൽ. കൊല്ലപ്പെട്ട അനീഷിന്‍റെ ഭാര്യാപിതാവ്​ പ്രഭുകുമാർ, ഭാര്യയുടെ അമ്മാവൻ സുരേഷ് എന്നിവരാണ് കസ്റ്റഡിയിലായത്. പ്രഭുകുമാറിനെ ഉച്ചയോടെ പാലക്കാട് എത്തിച്ച് വിശദമായി ചോദ്യം ചെയ്യലിന് ശേഷം അറസ്റ്റ് രേഖപ്പെടുത്തും.

അതേസമയം, അനീഷിന്‍റെ മൃതദേഹം പോസ്റ്റ്മോർട്ടം നടത്താനുള്ള നടപടികൾ പത്ത് മണിയോടെ ആരംഭിക്കുമെന്ന് പൊലീസ് അറിയിച്ചു. വെള്ളിയാഴ്ച വൈകീട്ട് 6.30നാണ് ഇലമന്ദം ആറുമുഖന്‍റെ മകൻ അനീഷ് (അപ്പു -27) തേങ്കുറുശ്ശിയിൽവെച്ച് കൊല്ലപ്പെട്ടത്.