കോഴ നല്‍കിയെന്ന ആരോപണത്തില്‍ കെ. സുന്ദരയുടെ മൊഴി ക്രൈം ബ്രാഞ്ച് രേഖപ്പെടുത്തി

പത്രിക പിന്‍വലിക്കാന്‍ ബിജെപി കോഴ നല്‍കിയ ആരോപണത്തില്‍ കെ. സുന്ദരയുടെ മൊഴി ക്രൈം ബ്രാഞ്ച് രേഖപ്പെടുത്തി. മൊഴിയില്‍ ഉറച്ച് നില്‍ക്കുന്നതായും പണം നല്‍കിയെന്ന മൊഴി ക്രൈം ബ്രാഞ്ചിനോടും ആവര്‍ത്തിച്ചുവെന്നും അദ്ദേഹം മാധ്യമങ്ങളോട് പറഞ്ഞു. കഴിഞ്ഞ ദിവസം പരാതിക്കാരനായ വി.വി രമേശിന്റെ മൊഴിയും ക്രൈംബ്രാഞ്ച് സംഘം രേഖപ്പെടുത്തിയിരുന്നു.

അതേസമയം കുറ്റം തെളിഞ്ഞാല്‍ കെ. സുരേന്ദ്രന്റെ രാഷ്ട്രീയ ഭാവി തന്നെയില്ലാതാവും. സുരേന്ദ്രന്‍ നേതൃസ്ഥാനം ഏറ്റെടുത്തതിന് പിന്നാലെ നേമത്തെ സിറ്റിംഗ് സീറ്റുപോലും നഷ്ടമായ ആഘാതത്തില്‍ നിന്ന് പാര്‍ട്ടി പുതിയ വിവാദത്തിലേക്ക് കടക്കുകയാണ്. പത്രിക പിന്‍വലിക്കാന്‍ കോഴ നല്‍കിയത് തെളിഞ്ഞാല്‍ ആജീവനാന്ത വിലക്ക് ഉള്‍പ്പെടെയുള്ള നടപടികളുണ്ടാവും.