ഉത്തർപ്രദേശിൽ ശൗചാലയത്തിലേക്ക് പോകാൻ പുറത്തിറങ്ങിയ പെൺകുട്ടിയെ യുവാവ്  ബലാത്സംഗം ചെയ്തു

ഉത്തർപ്രദേശിലെ അലിഗഢിൽ ശൗചാലയത്തിലേക്ക് പോകാൻ പുറത്തിറങ്ങിയ പെൺകുട്ടിയെ യുവാവ് തട്ടിക്കൊണ്ടുപോയി ബലാത്സംഗം ചെയ്തു. അലിഗഢിൽ നിന്ന് 50 കിലോമീറ്റർ അകലെയുള്ള ഗംഗിരിയിലാണ് സംഭവം.

പെൺകുട്ടിയെ ഇയാൾ കാറിൽ കയറ്റി കൊണ്ടുപോകുകയായിരുന്നു. ബഹളം വെച്ചതോടെ ഇയാൾ കുട്ടിയെ കത്തി കാണിച്ച് ഭീഷണിപ്പെടുത്തുകയും ചെയ്തു. കുട്ടിയുടെ കരച്ചിൽ കേട്ട് ഓടിവന്ന ബന്ധുവിനെ പ്രതി കത്തി കൊണ്ട് കുത്തിപ്പരുക്കേൽപ്പിച്ചു. തുടർന്ന് യുവാവ് ഓടി രക്ഷപ്പെടുകയായിരുന്നു. പ്രതി ഒളിവിലാണ്.