യാത്രക്കാരിൽ നിന്ന് മോഷണം നടത്തിവരുന്ന നാടോടിസ്ത്രീ അറസ്റ്റില്‍

ആലപ്പുഴ: ആള്‍ത്തിരക്കുള്ള സ്ഥലങ്ങളിലും മറ്റും മോഷണം നടത്തിവരുന്ന നാടോടിസ്ത്രീ അറസ്റ്റില്‍.

 കോയമ്ബത്തൂര്‍ ഈറോഡ് സ്വദേശി ലക്ഷ്മി(35)യെയാണ് കെ.എസ്.ആര്‍.ടി.സി. ബസ് സ്റ്റാന്‍ഡില്‍ നിന്ന് സൗത്ത് പോലീസ് അറസ്റ്റുചെയ്തത്. കെ.എസ്.ആര്‍.ടി.സി. ബസ് സ്റ്റാന്‍ഡുകള്‍ കേന്ദ്രീകരിച്ചാണ് ഇവർ മോഷണം നടത്തി വന്നിരുന്നത്.

വിവിധ പോലീസ് സ്റ്റേഷനുകളിലായി നിരവധി മോഷണക്കേസുകളില്‍ പ്രതിയാണ് ഇവരെന്നും പോലീസ് അറിയിച്ചു. ജാമ്യമെടുത്തശേഷം ഒളിവില്‍ പോകുകയാണ് പ്രതിയുടെ രീതി.ബസില്‍നിന്ന് ഇറങ്ങുന്നതിനിടയില്‍ യാത്രക്കാരിയുടെ പഴ്സ് മോഷ്ടിച്ചതിനാണ് ആലപ്പുഴ സൗത്ത് പോലീസ് ലക്ഷ്മിയെ അറസ്റ്റുചെയ്തത്. കോടതിയില്‍ ഹാജരാക്കിയ പ്രതിയെ റിമാന്‍ഡുചെയ്തു.