സ്വര്‍ണ്ണക്കടത്ത് കേസിലെ ഫൈസല്‍ ഫരീദിന്റെ സഹായി മുഹമ്മദ് മന്‍സൂര്‍ അറസ്റ്റില്‍

നയതന്ത്ര സ്വര്‍ണ്ണക്കടത്ത് കേസിലെ പ്രധാന കണ്ണിയും ഫൈസല്‍ ഫരീദിന്റെ കൂട്ടാളിയുമായ മുഹമ്മദ് മന്‍സൂറിനെ നെടുമ്പാശ്ശേരി വിമാനത്താവളത്തില്‍ നിന്ന് എന്‍ഐഎ സംഘം പിടികൂടി. കൊച്ചിയിലെ ഓഫീസിലെത്തിച്ച് മുഹമ്മദ് മന്‍സൂറിനെ വിശദമായി ചോദ്യം ചെയ്യും. ദുബായിലായിരുന്ന ഇയാള്‍ ചെക്ക് കേസില്‍ അറസ്റ്റിലായി ജയിലിലായിരുന്നു.

നയതന്ത്ര ചാനല്‍ വഴി സ്വര്‍ണ്ണം കടത്തുന്ന സംഘത്തിലെ പ്രധാനിയാണ് തിരുവമ്പാടി സ്വദേശിയാണ് മുഹമ്മദ് മന്‍സൂര്‍. കടത്തുന്ന സ്വര്‍ണ്ണം പിടിയ്ക്കപ്പെടാതിരിയ്ക്കാന്‍ ഇലക്ട്രോണിക് ഉപകരണങ്ങളില്‍ ഒളിപ്പിയ്ക്കുന്നത് പതിവാണെന്നും ഇത് ചെയ്യുന്നത് മുഹമ്മദ് മന്‍സൂറിന്റെ നേത്യത്വത്തിലാണെന്നും എന്‍ഐഎ കണ്ടെത്തി.