മകളുടെ പ്രണയബന്ധം ഇഷ്​ടമില്ലാ; 17കാരിയായ മകളുടെ വെട്ടിയെടുത്ത തലയുമായി പിതാവ്​ പൊലീസ്​ സ്​റ്റേഷനിൽ

മകളുടെ പ്രണയബന്ധം ഇഷ്​ടമില്ലാത്തതിനെ തുടർന്ന്​  ഉത്തർപ്രദേശിൽ 17കാരിയായ മകളുടെ വെട്ടിയെടുത്ത തലയുമായി പിതാവ്​ പൊലീസ്​ സ്​റ്റേഷനിൽ എത്തി. യു.പി ഹർദോയ്​ ജില്ലയിലെ പൻഡേതര ഗ്രാമത്തിലാണ്​​ സംഭവം.

സർവേശ്​ കുമാർ  എന്നയാളാണ് മകളെ കൊലപ്പെടുത്തിയത്​. വെട്ടിയെടുത്ത തലയുമായി പിതാവ്​ സ്​റ്റേഷനിലേക്ക്​ നടന്നുവരുന്ന ദൃശ്യങ്ങൾ രണ്ടു പൊലീസുകാർ വിഡിയോയിൽ പകർത്തി. ഇതിനിടെ തനിക്ക്​ ഇഷ്​ടമില്ലാത്ത യുവാവുമായി പ്രണയത്തിലായതിനെ തുടർന്നാണ്​ മകളെ കൊലപ്പെടുത്തിയതെന്ന്​​​ സർവേശ്​ കുമാർ പറഞ്ഞു.

താൻ മാത്രമാണ്​ കുറ്റകൃത്യത്തിൽ പങ്കാളിയായതെന്നും  ആയുധം ഉപയോഗിച്ച്​ കൊലപ്പെടുത്തിയ ശേഷം തല ഒഴികെയുള്ള ബാക്കി ശരീരഭാഗം മുറിയിൽ സൂക്ഷിച്ചിട്ടുണ്ടെന്നും പിതാവ്​ വിഡിയോയിൽ പറയുന്നു. പെൺകുട്ടിയുടെ തല താഴെവെച്ച്​ ഇരിക്കാൻ പൊലീസ്​ ആവശ്യപ്പെട്ടപ്പോൾ കൃത്യമായി അനുസരിക്കുന്നതും വിഡിയോയിൽ വ്യക്തമാണ്. പോലീസ്  സർവേശിന്‍റെ അറസ്റ്റ്​ രേഖപ്പെടുത്തി.