മലയാളികളുടെ ആധാര്‍ ഉപയോഗിച്ച് ഉത്തരേന്ത്യയില്‍ വാക്‌സിന്‍ എടുത്തതായി പരാതി

മലയാളികളുടെ ആധാര്‍ ഉപയോഗിച്ച് ഉത്തരേന്ത്യയില്‍ വാക്‌സിന്‍ എടുത്തുവെന്ന് ഈരോപിച്ച് എറണാകുളം ചേരാനല്ലൂര്‍ സ്വദേശി ബിനിൽ പരാതിയുമായി രംഗത്തെത്തി. ഇന്നലെ വാക്‌സിനെടുക്കാനായി രജിസ്റ്റര്‍ ചെയ്യവേയാണ് ആധാര്‍ കാര്‍ഡ് ഉപയോഗിച്ച് വാക്‌സിന്‍ തട്ടിപ്പ് നടന്നതായി ബോധ്യപ്പെട്ടതെന്ന് ബിനിൽ പറയുന്നു.

ബിനിലിന്റെ ആധാര്‍ കാര്‍ഡ് ഉപയോഗിച്ച് അരുണ്‍ ഖോര്‍പഡെ എന്ന ഉത്തരേന്ത്യക്കാരന്‍ വാക്‌സിന്‍ എടുത്തിരിക്കുന്നു. ഇതുവരെ വാക്‌സിന്‍ എടുക്കാത്ത ബിനില്‍ ഒന്നാം ഡോസ് വാക്‌സിന്‍ എടുത്തുവെന്നാണ് വാക്‌സിനെടുക്കാനായി രജിസ്റ്റര്‍ ചെയ്യവേയാണ് ബിനിലിന് ലഭിച്ച മെസേജ്. ഇത്തരത്തിൽ സംസ്ഥാനത്ത് കൂടുതല്‍ പേര്‍ തട്ടിപ്പിന് ഇരകളായതായി ഹ്യൂമന്‍ റൈറ്റ്‌സ് ഫോറം എന്ന എന്‍ജിഒ വ്യക്തമാക്കുന്നു.