പതിനേഴുകാരനെ വിവാഹം ചെയ്ത നഴ്‌സിംഗ് വിദ്യാർഥിനിക്കെതിരെ കേസ്

പതിനേഴുകാരനെ വിവാഹം ചെയ്ത ഇരുപതുകാരിയായ നഴ്‌സിംഗ് വിദ്യാർഥിനിക്കെതിരെ പോലീസ് കേസെടുത്തു. ഫേസ്ബുക്കിലൂടെ പരിചയപ്പെട്ട ചിക്കമംഗളുരു സ്വദേശിയായ ചെറുപ്പക്കാരന് 21 വയസ്സുണ്ടെന്ന് പറഞ്ഞാണ് ബന്ധുക്കളുടെ സാന്നിധ്യത്തിൽ ഇവർ വിവാഹിതരായത്.

സംഭവം അറിഞ്ഞതോടെ ഗ്രാമവാസികളാണ് കുട്ടികളുടെ ഹെൽപ്ലൈൻ നമ്പറിൽ വിളിച്ച് വിവരം അറിയിച്ചത്. ബാലവിവാഹ നിരോധന പ്രകാരമാണ് കേസെടുത്തതെന്നും, ഇപ്പോൾ ഇരുവരും ഒരുമിച്ചല്ല താമസമെന്നും ചിക്കമംഗളുരു എസ്.പി. അക്ഷയ് മച്ചിന്ദ്ര പറഞ്ഞു.