പുതുവത്സരാഘോഷങ്ങള്‍ക്കിടെ കൊച്ചിയില്‍ വൻ കവര്‍ച്ച

പുതുവത്സരാഘോഷങ്ങള്‍ക്കിടെ കൊച്ചിയില്‍ വൻ കവര്‍ച്ച. പുതുക്കലവട്ടത്തെ വീട് കുത്തിത്തുറന്ന് 11.11 ലക്ഷം രൂപയുടെ സ്വര്‍ണ്ണം മോഷ്ടാക്കള്‍ കൊണ്ടുപോയി. പൊതുമരാമത്ത് വകുപ്പില്‍ ഇലക്ട്രിക്കല്‍ കരാറുകാരനായ പ്ലാസിഡിന്റെ വീട്ടിലാണ് മോഷണം നടന്നത്.

കല്യാണച്ചടങ്ങുകളുമായി ബന്ധപ്പെട്ട് വീട്ടുകാര്‍ രണ്ടു ദിവസമായി ചുള്ളിക്കലിലുള്ള ബന്ധുവീട്ടിലായിരുന്നു. ഈ സമയത്താണ് മോഷണം നടന്നിരിക്കുന്നത്. വീടിന്റെ പിന്‍വാതില്‍ തുറന്നാണ് മോഷ്ടാക്കള്‍ മോഷണം നടത്തിയത്.  എളമക്കര സി.ഐ. വി.ആര്‍. സുനില്‍, എസ്.ഐ.മാരായ ബിബിന്‍, രാജു, എ.എസ്.ഐ. സുബൈര്‍ എന്നിവരുടെ നേതൃത്വത്തിലാണ് അന്വേഷണം ആരംഭിച്ചിരിക്കുന്നത്.