കൊട്ടാരക്കര ഓയൂരില്‍ അറുപതുകാരി ദുരൂഹ സാഹചര്യത്തില്‍  മരിച്ച നിലയില്‍

ഓയൂര്‍ : കൊട്ടാരക്കര ഓയൂരില്‍ അറുപതുകാരിയെ ദുരൂഹ സാഹചര്യത്തില്‍ വീട്ടിനുള്ളില്‍ മരിച്ച നിലയില്‍ കണ്ടെത്തി. പൂയപ്പള്ളി പറണ്ടയില്‍ ചരുവിള വീട്ടില്‍ പരേതനായ ഗോപിയുടെ ഭാര്യ ശാന്തയാണ് മരിച്ചത്.

സമീപവാസികള്‍ അറിയിച്ചതിനെ തുടര്‍ന്ന് പൂയപ്പള്ളി പൊലീസ് സ്ഥലത്തെത്തി പരിശോധന നടത്തി. ഡോഗ് സ്ക്വാഡും വിരലടയാള വിദഗ്ധരുമെത്തി കൂടുതല്‍ തെളിവെടുപ്പ് നടത്തി. ബധിരയും മൂകയുമായ സഹോദരി പൊടിച്ചിക്കൊപ്പമായിരുന്നു ശാന്ത താമസിച്ചിരുന്നത്. ആക്രി പെറുക്കി വിറ്റാണു ഇവര്‍ ജീവിച്ചിരുന്നത്.