22 കവര്‍ച്ചകള്‍, അര്‍ജുന്‍ ആയങ്കിക്കെതിരെ കൂടുതല്‍ കണ്ടെത്തലുകളുമായി കസ്റ്റംസ്‌

കരിപ്പൂര്‍ സ്വര്‍ണ്ണക്കടത്തിന്റെ മുഖ്യ ആസൂത്രകനെന്ന് കണ്ടെത്തിയ അര്‍ജുന്‍ ആയങ്കിക്കെതിരെ കൂടുതല്‍ കണ്ടെത്തലുകളുമായി കസ്റ്റംസ്‌. അര്‍ജുന്‍ ആയങ്കിയുടെ സംഘം 22 തവണ കള്ളക്കടത്ത് സ്വര്‍ണം തട്ടിയെടുത്തിട്ടുണ്ടെന്നാണ് കസ്റ്റംസിന് ലഭിച്ച വിവരം. ഇന്ന് ചോദ്യം ചെയ്യലിനായി അര്‍ജുന്‍ ആയങ്കി കൊച്ചിയിലെ കസ്റ്റംസ് ഓഫീസിലെത്തുമെന്നാണ് വിവരം.

ആറരക്കോടിയോളം രൂപയുടെ സ്വര്‍ണ്ണം അര്‍ജുന്റെ സംഘം തട്ടിയെടുത്തിട്ടുണ്ടെന്ന വിവരമാണ് കസ്റ്റംസിന്റെ കൈവശമുള്ളത്. അതേസമയം കരിപ്പൂർ സ്വർണ കവർച്ച ആസൂത്രണ കേസിൽ പോലീസ് കസ്റ്റഡിയിൽ വാങ്ങിയ പ്രതികളുടെ കസ്റ്റഡി കാലാവധി ഇന്ന് അവസാനിക്കും. കൊടുവള്ളി സംഘത്തിലെ രണ്ട് പേര് അടക്കം 10 പേരാണ് കേസിൽ ഇതുവരെ അറസ്റ്റിൽ ആയിട്ടുള്ളത്.