തിരുവനന്തപുരത്ത് 100 കിലോ കഞ്ചാവ് പിടികൂടി

തിരുവനന്തപുരം നഗരത്തിൽ പോലീസ് നടത്തിയ റെയ്ഡിൽ 100 കിലോ കഞ്ചാവ് പിടികൂടി. ചാക്കില്‍ കെട്ടി അടുക്കി വെച്ച നിലയിലായിരുന്ന കഞ്ചാവ് പേട്ട പൊലീസാണ് പിടിച്ചെടുത്തത്.

കഴിഞ്ഞ ദിവസം ലഹരിവിരുദ്ധ ദിനമായതിനാല്‍ പൊലീസ് പരിശോധന കര്‍ശനമാക്കിയിരുന്നു. ഇതിന്റെ ഭാഗമായാണ് റെയ്ഡ് നടന്നത്. സംഭവത്തിൽ ഒരാളെ അറസ്റ്റ് ചെയ്തിട്ടുണ്ട്. ചില്ലറ വില്‍പ്പനക്കായി ഇതര സംസ്ഥാനങ്ങളില്‍ നിന്ന് എത്തിച്ചതാണ് കഞ്ചാവ്.