കൊവിഡ് പ്രതിരോധത്തിന് 25 ലക്ഷം നല്‍കി വിജയ് സേതുപതി

കൊവിഡ് പ്രതിരോധത്തിന് 25 ലക്ഷം രൂപ സംഭവന നടത്തി വിജയ് സേതുപതി. തമിഴിനാട് മുഖ്യമന്ത്രി എം കെ സ്റ്റാലിന്റെ ദുരിതാശ്വാസ നിധിയിലേക്കാണ് സംഭവന നൽകിയിരിക്കുന്നത്. എംകെ സ്റ്റാലിനെ സെക്രട്ടറിയേറ്റിലെത്തി നേരിട്ട് കണ്ടാണ് സേതുപതി പണത്തിന്റെ ചെക്ക് കൈമാറിയത്.

നിരവധി തമിഴ് താരങ്ങള്‍ ഇതിനോടകം തന്നെ മുഖ്യമന്ത്രിയുടെ ദുരിതാശ്വാസ നിധിയിലേക്ക് പണം നല്‍കിയിരുന്നു. മാസ്റ്റര്‍ എന്ന ലോകേഷ് കനകരാജ് സംവിധാനം ചെയ്ത ചിത്രമാണ് അവസാനം റിലീസ് ചെയ്ത സേതുപതിയുടെ സിനിമ. കൊവിഡ് ആദ്യ തരംഗത്തിന് ശേഷം തിയറ്ററുകള്‍ ആദ്യമായി തുറന്നപ്പോള്‍ റിലീസ് ചെയ്ത ചിത്രമാണെന്ന് പ്രത്യേകത കൂടി മാസ്റ്ററിനുണ്ട്.