രാധേ ശ്യാമിലെ മൂന്നാമത്തെ ഗാനത്തിൻറെ ടീസർ പുറത്തിറങ്ങി

റൊമാന്റിക് ഡ്രാമയായ രാധേ ശ്യാമിൽ യംഗ് റിബൽ സ്റ്റാർ പ്രഭാസും പൂജ ഹെഗ്‌ഡെയും ആണ് പ്രധാന താരങ്ങളായി എത്തുന്നത്, രാധാകൃഷ്ണ കുമാറാണ് ചിത്രം ഒരുക്കുന്നത്. 2022 ജനുവരി 14-ന് മകരസംക്രാന്തി, പൊങ്കൽ എന്നിവയിൽ രാധേ ശ്യാം ലോകമെമ്പാടുമുള്ള തിയേറ്ററുകളിൽ വളരെ ഗംഭീരമായി എത്തുമെന്ന് നിർമ്മാതാക്കൾ ഇതിനകം സ്ഥിരീകരിച്ചിട്ടുണ്ട്. ചിത്രത്തിലെ മൂന്നാമത്തെ ഗാനത്തിൻറെ ടീസർ ഇപ്പോൾ റിലീസ് ചെയ്തു. "സോച്ച് ലിയാ.." എന്ന് തുടങ്ങുന്ന ഗാനത്തിൻറെ ടീസർ ആണ് റിലീസ് ആയത്.

രാധേ ശ്യാമിന്റെ ദക്ഷിണേന്ത്യൻ പതിപ്പുകളുടെ ഓഡിയോ ആൽബങ്ങൾ ചിട്ടപ്പെടുത്തിയിരിക്കുന്നത് ജസ്റ്റിൻ പ്രഭാകരനാണ്, അതേസമയം ഹിന്ദി പതിപ്പ് ഓഡിയോ ആൽബം മിഥൂൻ, അമാൽ മല്ലിക്, മനൻ ഭരദ്വാജ് എന്നിവർ ചേർന്നാണ് ഒരുക്കിയിരിക്കുന്നത്. ജസ്റ്റിൻ പ്രഭാകരനാണ് പശ്ചാത്തല സംഗീതം ഒരുക്കിയിരിക്കുന്നത്.