അനി ഐ.വി ശശിയുടെ ഹ്രസ്വചിത്രം ‘മായ’യുടെ ടീസർ പുറത്ത്

സംവിധായകൻ ഐ.വി ശശിയുടെ മകനും സംവിധായകനുമായ അനി ഐ.വി ശശി സംവിധാനം ചെയ്ത തമിഴ് ഹ്രസ്വചിത്രം ‘മായ’യുടെ ടീസർ യൂട്യൂബിൽ റിലീസ് ചെയ്തു. ഈ ചിത്രത്തിൽ നിന്ന് ലഭിക്കുന്ന മുഴുവൻ വരുമാനവും കൊവിഡ് ദുരിതാശ്വാസത്തിന് ഉപോയോഗിക്കുമെന്ന് അനി അറിയിച്ചു. നിരവധി പ്രിയദർശൻ ചിത്രങ്ങളിൽ സംവിധാന സഹായിയായിരുന്നു അനി ശശി.

2017ൽ നിർമിച്ച ഈ ചിത്രത്തിൽ അശോക് സെൽവാനും പ്രിയ ആനന്ദുമാണ് പ്രധാന കഥാപാത്രങ്ങളെ അവതരിപ്പിച്ചിരിക്കുന്നത്. ചിത്രത്തിന്റെ രചനയും എഡിറ്റിങ്ങും നിർവഹിച്ചിരിക്കുന്നതും അനി തന്നെയാണ്. 2017ലെ ഷിക്കാഗോ സൗത്ത് ഏഷ്യൻ ഫിലിം ഫെസ്റ്റിവലിൽ മികച്ച ഹ്രസ്വചിത്രത്തിനുള്ള (ഫിക്ഷൻ) പുരസ്‌ക്കാരം മായക്ക് ലഭിച്ചിരുന്നു.