കുറിപ്പിലെ പുതിയ പോസ്റ്റർ പുറത്തിറങ്ങി
ആദ്യ റിലീസിനായി ഹോളിവുഡ് ചിത്രങ്ങളും, തമിഴ് ചിത്രങ്ങളും എത്തിയ ശേഷം കുറുപ്പ് റിലീസിന് ഒരുങ്ങുകയാണ്. ' സൂപ്പർ താരങ്ങളിൽ ആദ്യം തീയറ്ററിൽ പ്രദർശനത്തിന് എത്തുന്നത് ദുല്‍ഖര്‍ സല്‍മാന്റെ കുറുപ്പ് ആണ്. സിനിമ നാളെ ആണ് റിലീസ് ചെയ്യുക. ഇപ്പോൾ ചിത്രത്തിലെ പുതിയ പോസ്റ്റർ പുറത്തിറങ്ങി.
കുറുപ്പ്' യൂറോപ്പിലും, യുകെയിലുമായി നൂറിലധികം സ്ഥലങ്ങളിൽ പ്രദർശനത്തിന് എത്തും. യുഎസ്എയിൽ കുറുപ്പ് നവംബർ 11ന് പ്രദർശനത്തിനെത്തും. ലോകമെമ്പാടുമുള്ള 1500 തിയറ്ററുകളിൽ ചിത്രം പ്രദർശനത്തിന് എത്തും ദുൽഖറിൻറെ ഏറ്റവും വലിയ റിലീസ് ആണ് ഈ ചിത്രം.
ഒടിടി റിലീസ് ചെയ്യാനിരുന്ന ചിത്രമാണ് തീയേറ്റര്‍ റിലീസിലേക്ക് മാറിയത്. 35 കോടി ബജറ്റിൽ ആണ് ചിത്രം ഒരുക്കിയത്. നാനൂറിലേറെ തിയറ്ററുകളില്‍ കേരളത്തില്‍ മാത്രം ചിത്രത്തിന് റിലീസ് ഉണ്ടാവുമെന്നാണ് അറിയുന്നത്. 'സെക്കന്‍ഡ് ഷോ' എന്ന ചിത്രത്തിലൂടെയാണ് ദുൽഖർ മലയാള സിനിമയിലേക്ക് അരങ്ങേറ്റം കുറിച്ചത്. ഇതൊരുക്കിയ സംവിധായകന്‍ ശ്രീനാഥ് രാജേന്ദ്രനാണ് കുറുപ്പ് ഒരുക്കിയിരിക്കുന്നത്.
മലയാളത്തിന് പുറമെ തമിഴ്, തെലുങ്ക്, ഹിന്ദി, കന്നഡ ഭാഷകളിലും ചിത്രം പ്രദർശനത്തിന് എത്തും . ചിത്രത്തിൻറെ കഥ ഒരുക്കിയിരിക്കുന്നത് ജിതിൻ കെ ജോസ് ആണ്. തിരക്കഥയും സംഭാഷണവും ഒരുക്കിയിരിക്കുന്നത് ഡാനിയേൽ സായൂജ് നായരും കെ എസ് അരവിന്ദും ചേർന്നാണ്. ചിത്രം നിർമിച്ചിരിക്കുന്നത് ദുൽഖർ സൽമാന്‍റെ ഉടമസ്ഥതയിലുള്ള വേഫെയറര്‍ ഫിലിംസും എം സ്റ്റാർ എന്‍റര്‍ടെയ്‍ന്‍‍മെന്‍റ്സും ചേർന്നാണ്.