‘ഫീല്‌സ് ലൈക്ക് ഇഷ്‌ക്കു’മായി നീരജ് മാധവ്, ചിത്രത്തിന്റെ റിലീസ് പ്രഖ്യാപിച്ചു

ഫാമിലി മാന്‍ എന്ന ആമസോണ്‍ സീരീസിന് ശേഷം നീരജ് അഭിനയിക്കുന്ന ഹിന്ദി ചിത്രം ഫീല്‍സ് ലൈക്ക് ഇഷ്‌കിന്റെ റിലീസ് തീയതി പ്രഖ്യാപിച്ചു. നെറ്റ്ഫ്‌ലിക്‌സിൽ ജൂലൈ 23നാണ് ചിത്രം റിലീസ് ചെയ്യുന്നത്. ഏഴ് സംവിധായകരാണ് ‘ഫീല്‍സ് ലൈക്ക് ഇഷ്‌ക്ക്’ എന്ന ആന്തോളജി സംവിധാനം ചെയ്തിരിക്കുന്നത്.

നീരജ് മാധവ് കേന്ദ്ര കഥാപാത്രമാവുന്ന ചിത്രം സംവിധാനം ചെയ്തിരിക്കുന്നത് സച്ചിന്‍ കുന്ദല്‍ക്കറാണ്. മുംബൈയില്‍ താമസിക്കുന്ന മലയാളി പശ്ചാത്തലമുള്ള കഥാപാത്രത്തെയാണ് ചിത്രത്തില്‍ നീരജ് അവതരിപ്പിക്കുന്നത്. ‘സച്ചിന്‍ കുന്ദല്‍ക്കറിന് എന്നെ വെച്ച് സിനിമ ചെയ്യണമെന്ന് ഉണ്ടായിരുന്നു. ഫാമിലി മാനിലെ അഭിനയം അദ്ദേഹത്തിന് ഇഷ്ടമായിരുന്നവെന്ന് നീരജ് ഒരു അഭിമുഖത്തില്‍ പറഞ്ഞു.