നയൻതാര ചിത്രം 'നെട്രിക്കണ്ണ്' ഒ.ടി.ടി റിലീസിന്

മിലിന്‍ഡ് റാവു സംവിധാനം ചെയ്യുന്ന നയൻതാര ചിത്രം 'നെട്രികണ്ണ്' ഒ.ടി.ടി റിലീസിന് തയ്യാറെടുക്കുന്നതായി റിപ്പോർട്ട്. വിഗ്നേഷ് ശിവൻ നിര്‍മ്മിക്കുന്ന ചിത്രം ഛായാഗ്രഹണം ചെയ്യുന്നത് കാര്‍ത്തിക് ഗണേഷാണ്. ത്രില്ലർ ചിത്രമായ നെട്രികണ്ണിൽ അന്ധയായ കഥാപാത്രത്തെയാണ് നയൻതാര അവതരിപ്പിക്കുന്നത്. നയൻതാരയുടെ അറുപത്തിയഞ്ചാമത് ചിത്രമാണ് നെട്രികണ്ണ്.

ചിത്രത്തില്‍ നയന്‍താരക്ക് പുറമെ അജ്മലും പ്രധാന വേഷം ചെയ്യുന്നുണ്ടെന്നാണ് റിപ്പോര്‍ട്ടുകള്‍. കഴിഞ്ഞ വർഷം അവസാനം റിലീസ് ചെയ്യാനിരുന്ന ചിത്രം കോവിഡ് മഹാമാരിയെ തുടർന്ന് നീട്ടിവെക്കുകയായിരുന്നു. ലോറന്‍സ് കിഷോര്‍ എഡിറ്റിങ്. ചിത്രത്തിന്റെ സംഗീത സംവിധാനം ഗിരീഷ് ജിയാണ് നിര്‍വ്വഹിക്കുന്നത്. രജ്‌നികാന്തിന്റെ ‘അണ്ണാത്തെ’യാണ് നയന്‍താരയുടെ റിലീസ് ചെയ്യാനിരിക്കുന്ന മറ്റൊരു ചിത്രം.