വൈശാഖിന്റെ പുതിയ ചിത്രം 'നൈറ്റ് ഡ്രൈവ്' ചിത്രീകരണം ആരംഭിച്ചു

സംവിധായകൻ വൈശാഖിന്റെ പുതിയ ചിത്രത്തിന്റെ ചിത്രീകരണം ആരംഭിച്ചു. നൈറ്റ് ഡ്രൈവ് എന്ന സിനിമയുടെ ചിത്രീകരണമാണ് തുടങ്ങിയത്. പുതിയ ചിത്രത്തിന്റെ ചിത്രീകരണം തുടങ്ങിയതായി വൈശാഖ് തന്നെയാണ് അറിയിച്ചത്. റോഷൻ മാത്യു, ഇന്ദ്രജിത്ത്, അന്ന ബെൻ എന്നിവരാണ് സിനിമയില്‍ പ്രധാന വേഷങ്ങളിൽ എത്തുന്നത്.

അഭിലാഷ് പിള്ള ആണ് ചിത്രത്തിന്റെ തിരക്കഥ എഴുതുന്നത്. രണ്ട് വര്‍ഷം മുമ്പ് തന്നെ പറഞ്ഞുകേള്‍പ്പിച്ച കഥയായിരുന്നു നൈറ്റ് ഡ്രൈവിന്റേത് എന്ന വൈശാഖ് വ്യക്തമാക്കുന്നു. തന്നെ വിശ്വസിച്ച തിരക്കഥാകൃത്തിനും അഭിനേതാക്കള്‍ക്കും നന്ദി പറയുന്നുവെന്നും വൈശാഖ് വ്യക്തമാക്കുന്നു. നൈറ്റ് ഡ്രൈവ് എന്ന ചിത്രത്തിന്റെ പ്രവര്‍ത്തകര്‍ക്ക് എല്ലാവര്‍ക്കും പ്രത്യേകം നന്ദി പറയുന്ന കുറിപ്പും വൈശാഖ് പങ്കുവെച്ചിട്ടുണ്ട്.