ആയിഷ സുല്‍ത്താനയുടെ ഫോണ്‍ പിടിച്ചെടുത്തു

രാജ്യദ്രോഹക്കുറ്റം ചുമത്തപ്പെട്ട സിനിമാ പ്രവത്തക ആയിഷ സുല്‍ത്താനയുടെ ഫോണ്‍ കവരത്തി പൊലീസ് പിടിച്ചെടുത്തു. ആയിഷയുടെ ഫോണില്‍ സംശയാസ്പദമായ ചില കാര്യങ്ങളുണ്ടെന്ന് ചൂണ്ടിക്കാട്ടിയാണ് ഫോൺ പിടിച്ചെടുത്തിരിക്കുന്നത്.

ഫോണ്‍ പൊലീസ് പിടിച്ചെടുത്തതായി ആയിഷ പ്രതികരിച്ചു. ഒരാളുടേയും ഫോണ്‍ നമ്പര്‍ തന്റെ കൈവശമില്ല. സംഭവം വീട്ടില്‍ അറിയിക്കാന്‍ പോലും സാധിച്ചില്ലെന്നും ആയിഷ പറഞ്ഞു. ആയിഷയ്‌ക്കെതിരെ നടപടി കടുപ്പിക്കാനാണ് പൊലീസിന്റെ തീരുമാനം. മുന്‍കൂര്‍ ജാമ്യം ലഭിച്ചതിനാൽ പൊലീസിന് ആയിഷയെ അറസ്റ്റ് ചെയ്യാന്‍ കഴിയില്ല.