ജോസഫൈന്‍ ക്രൂരയായ ജയില്‍ വാര്‍ഡനെ ഓര്‍മിപ്പിക്കുന്നു- ആഷിക് അബു

 

ഗാര്‍ഹിക പീഡന പരാതി അറിയിക്കുന്നതിനായി വനിതാ കമ്മീഷനെ വിളിച്ച യുവതിയോട് ക്ഷുഭിതയായി പെരുമാറിയ അധ്യക്ഷ എംസി ജോസഫൈന്‍ ക്രൂരയായ ജയില്‍ വാര്‍ഡനെ ഓര്‍മിപ്പിക്കുന്നു എന്ന് സംവിധായകന്‍ ആഷിക് അബു. ഫേസ്ബുക്കിലൂടെയാണ് ആഷിക് അബു പ്രതികരണം അറിയിച്ചത്.

‘’വനിതാ കമ്മീഷന്‍ അധ്യക്ഷ ക്രൂരയായ ജയില്‍ വാര്‍ഡനെ ഓര്‍മിപ്പിക്കുന്നു. പരാതിക്കാരിയോടും പൊതുസമൂഹത്തോടും മാപ്പുപറഞ് സ്ഥാനമൊഴിയണം.’’- ആഷിക് അബു കുറിച്ചു. മനോരമ ന്യൂസ് സംഘടിപ്പിച്ച പ്രത്യേക പരിപാടിക്കിടെയായിരുന്നു എറണാകുളം സ്വദേശി ലെബിനക്ക് എംസി ജോസഫൈനില്‍ നിന്നും മോശം പെരുമാറ്റം നേരിടേണ്ടി വന്നത്.