അണ്ണാത്തെയിലെ പുതിയ വീഡിയോ ഗാനം പുറത്തിറങ്ങി 

സൂപ്പർസ്റ്റാർ രജനീകാന്തിനെ നായകനാക്കി, സിരുതൈ ശിവ സംവിധാനം ചെയ്യുന്ന അണ്ണാത്തെയിലെ പുതിയ വീഡിയോ ഗാനം പുറത്തിറങ്ങി  . സണ്‍ പിക്ചേഴ്സ് നിര്‍മ്മിച്ച ചിത്രം നവംബര്‍ 4ന് ദീപാവലി സ്പെഷ്യല്‍ ആയി ലോകമെബാടുമുള്ള പ്രേക്ഷകരിലേക്ക്  എത്തി. രജനികാന്ത് പ്രധാന കഥാപാത്രമായ ഗ്രാമത്തലവനായാണ് ചിത്രത്തില്‍ എത്തുന്നത്. തമിഴ്‌നാട്ടിൽ വമ്പൻ ജയം നേടി ചിത്രം മുന്നേറുകയാണ്. 200 കോടിക്ക് മുകളിൽ ചിത്രം കളക്ഷൻ നേടി.

ഖുശ്ബു, മീന, നയന്‍താര, കീര്‍ത്തി സുരേഷ്, സൂരി എന്നിവരും മറ്റ് പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ദര്‍ബാറിന് ശേഷം നയന്‍താര രജനിയുടെ നായികയായി എത്തുന്ന ചിത്രം കൂടിയാണിത്. ഡി ഇമ്മന്‍ ആണ് ചിത്രത്തിന്റെ സംഗീത സംവിധായകന്‍.