ക്ലീൻ U സർട്ടിഫിക്കറ്റുമായി പ്രിൻസ് 21ന് പ്രദർശനത്തിന് എത്തും

ശിവകാർത്തികേയന്റെ വരാനിരിക്കുന്ന ചിത്രം പ്രിൻസിന്റെ സെൻസറിങ് പൂർത്തിയായി. ക്ലീൻ U സർട്ടിഫിക്കറ്റുമായി പ്രിൻസ് 21ന് പ്രദർശനത്തിന് എത്തും , തെലുങ്ക് ചിത്രമായ ജാതി രത്നലു എന്ന ചിത്രത്തിലൂടെ സംവിധായകനായി അരങ്ങേറ്റം കുറിച്ച അനുദീപ് കെവിയാണ് സംവിധാനം ചെയ്യുന്നത്. സത്യരാജ്, പ്രേംജി അമരൻ, ഉക്രേനിയൻ താരം മരിയ റിയാബോഷപ്ക എന്നിവരും പ്രിൻസ് ചിത്രത്തിലുണ്ട്.

ദേശീയ അവാർഡ് ജേതാവ് തമന്റെ സംഗീതവും മനോജ് പരമഹംസയുടെ ഛായാഗ്രഹണവും പ്രവീൺ കെ.എൽ എഡിറ്റിംഗും നിർവ്വഹിച്ച പ്രിൻസിന്റെ സഹനിർമ്മാതാവ് അരുൺ വിശ്വയാണ്. ശ്രീ വെങ്കിടേശ്വര സിനിമാസ് എൽഎൽപി, സുരേഷ് പ്രൊഡക്ഷൻസ്, ശാന്തി ടാക്കീസ് ​​എന്നിവയുടെ ബാനറിൽ സുനിൽ നാരംഗ്, പുസ്‌കൂർ രാം മോഹൻ റാവു, സുരേഷ് ബാബു എന്നിവരാണ് ഇതിന് പിന്തുണ നൽകുന്നത്.