ബൊമ്മൈ ജൂൺ 24ന് പ്രദർശനത്തിന് എത്തും

നിരൂപകമായും വാണിജ്യപരമായും പ്രശംസ നേടിയ 'മോൺസ്റ്റർ' എന്ന ചിത്രത്തിന് ശേഷം പ്രിയ ഭവാനി ശങ്കറുമായുള്ള എസ് ജെ സൂര്യയുടെ തുടർച്ചയായ രണ്ടാമത്തെ കൂട്ടുകെട്ടാണ് രാധാ മോഹൻ സംവിധാനം ചെയ്ത 'ബൊമ്മൈ'. റൊമാന്റിക് ഡ്രാമയിൽ പ്രിയ ഭവാനി ശങ്കറാണ് നായിക. ഇപ്പോഴിതാ, ഏറെ പ്രതീക്ഷയോടെ കാത്തിരിക്കുന്ന ചിത്രത്തിന്റെ റിലീസ് തീയതി  പുറത്തുവിട്ടു. ചിത്രം ഈ മാസം 24ന് പ്രദർശനത്തിന് എത്തും

2019-ൽ മികച്ച സ്വീകാര്യത നേടിയ മോൺസ്റ്റർ എന്ന ചിത്രത്തിലാണ് എസ്ജെ സൂര്യയും പ്രിയ ഭവാനി ശങ്കറും ആദ്യമായി ഒരുമിച്ച് അഭിനയിച്ചത്, ചാന്ദിനി തമിഴരസനും ചിത്രത്തിൽ പ്രധാന വേഷത്തിലെത്തുന്നുണ്ട്. നായകനായും പ്രതിനായകനായുമൊക്കെ സിനിമയിൽ വമ്പൻ പ്രകടനം നടത്തുന്ന എസ് ജെ സൂര്യയുടെ പുതിയ ചിത്രമാണിത്.