അമല പോളിന്റെ ദ്വിജയുടെ ഫസ്റ്റ് ലുക്ക് പോസ്റ്റർ പുറത്ത്

അമല പോൾ പ്രധാന വേഷത്തിൽ എത്തുന്ന മലയാള ചിത്രം ദ്വിജയുടെ ഫസ്റ്റ് ലുക്ക് പോസ്റ്റർ നിർമ്മാതാക്കൾ സോഷ്യൽ മീഡിയയിലൂടെ പുറത്തുവിട്ടു.യഥാർത്ഥ സംഭവങ്ങളെ അടിസ്ഥാനമാക്കിയാണ് ചിത്രം ഒരുക്കിയിരിക്കുന്നത്.

"യഥാർത്ഥ സംഭവങ്ങളെ അടിസ്ഥാനമാക്കി, എല്ലാ പ്രതിബന്ധങ്ങൾക്കും എതിരായ ഒരു സ്ത്രീയുടെ പോരാട്ടത്തിന്റെയും അവളുടെ ശ്രദ്ധേയമായ വീണ്ടെടുപ്പിന്റെയും ശക്തമായ കഥയാണ് 'ദ്വിജ'. ഈ ശ്രദ്ധേയവും വേദനാജനകവുമായ കഥയുടെ ഫസ്റ്റ് ലുക്ക് അനാവരണം ചെയ്യുന്നു," പോസ്റ്റർ പങ്കിട്ടുകൊണ്ട് താരം ട്വിറ്ററിൽ കുറിച്ചു.

ഐജാസ് ഖാനാണ് ചിത്രം സംവിധാനം ചെയ്യുന്നത്. അമലയെ കൂടാതെ നീരജ് മാധവ്, ശ്രുതി ജയൻ എന്നിവരും ദ്വിജയിൽ പ്രധാന കഥാപാത്രങ്ങളെ അവതരിപ്പിക്കുന്നു. മൈത്രി മൂവി മേക്കേഴ്‌സ്, വിആർസിസി ഫിലിംസ് എന്നിവയുമായി സഹകരിച്ച് എള്ളനാർ ഫിലിംസ് ബാനറാണ് ഇതിന് പിന്തുണ നൽകുന്നത്.